ວຶທີເຮັດໃບທະບຽນແຕ່ງງານ

    ວັນທີ 04/03/2019 ໂບ ແລະ ແຟນຕັດສິນໃຈ ຈະຈົດທະບຽນກ່ອນແຕ່ງ ເຊິ່ງທຳາອິດກໍ່ຍັງບໍ່ຮູ້ຂໍ້ມູນວ່າຕ້ອງເຮັດແນວໃດ ມີເອກະສານຫຍັງແນ່ ເຮັດຢູ່ໃສ ເຊິ່ງກໍ່ມີໝູ່ໃຫ້ຄໍາແນະນຳວ່າຫາກບໍ່ຢາກໄປແລ່ນເອກະສານເອງ ໃຫ້ພໍ່ບ້ານແລ່ນເອກະສານໃຫ້ ໝົດ 500,000 ກີບ ເຊິ່ງ ໂບ ແລະ ແຟນໄດ້ປຶກສາກັນວ່າ ຈະແລ່ນເອກະສານເອງ ເຊິ່ງແລ່ນເອກະສານຂໍສະເໜີເຮັດໃບແຕ່ງງານ ແມ່ນເລື່ອງງ່າຍຫຼາຍ ມື້ນີຈຶ່ງຢາກຈະມາແຊຣ໌ປະສົບການສ່ວນຕົວ ໄວ້ໃຫ້ເປັນປະໂຫຍດແກ່ສາທາລະນະຊົນ ູ້ທີ່ສົນໃຈ

1. ຂັ້ນຕອນທຳອິດ ກຽມສຳມະໂນຄົວ ຄູ່ບ່າວ-ສາວ (ສຳເນົາ 1 ຊຸດ )

2. ຈູງມືກັນເຂົ້າຫ້ອງການປົກຄອງເມືອງ ເຂົ້າຊື້ຟອມແຕ່ງດອງຢູ່ພະແນກພາຍໃນ 30,000 ກີບ (ເຊິ່ງໃນຊຸດເອກະສານກໍ່ຈະມີ ເອກະສານໃຫ້ເຊັນບ້ານ ຄົບຖ້ວນ ແລ້ວກອກຂໍ້ມູນໃຫ້ຄົບແລ້ວເຊັນນາຍບ້ານ ) ເຫຼືອແຕ່ໃບກວດສຸຂະພາບຕ້ອງໄດ້ໄປເຮັດເອກະສານ ມາຕິດຄັດ ທັງ2 ຄົນ

3.ໄປເຮັດໃບກວດສຸຂະພາບຢູ່ສາທາ ວັນທີ 05/03/2019 (ປາກເຊ ແມ່ນຢູ່ ບ້ານ ຈັດສັນ) 20,000 ກີບ/ຄົນ , ສຳເນົາບັດປະຈໍາຕົວ ແລະ ສຳມະໂນຄົວ ທັງ 2 ຄົນ ( ພ້ອມຮູບ 2 ໃບ)
                                             
 4. ຫຼັງຈາກໄດ້ໃບກວດສຸຂະພາບມາແລ້ວ ແນບຄັດເອກະສານ ພ້ອມຮູບຄົນລະ 2 ໃບ ຂະໜາດ 3*4  ເອົາໄປຢື່ນບ່ອນຊື້ຟອມເອກະສານຢູ່ຫ້ອງການປົກຄອງ ຈ່າຍ ຄ່າທຳນຽມ 50,000 ກີບ ເຊິ່ງທາງຫ້ອງການໄດ້ນັດ ຮັບເອົາໜັງສືແຕ່ງງານ ວັນພະຫັດທີ 07/03/2019

ແລະໃນທີ່ສຸດເຮົາກໍ່ຈະໄດ້ເປັນສາມີ ແລະ ພັນລະຍາ ຖືກຕ້ອງຕາມກົດໝາຍ ມີສິດຮຽກຮ້ອງ ແລະ ຮັກສາຜົນປະໂຫຍດຂອງຕົນຕາມມາດຕຕາທີ່ໄດ້ກຳນົດໄວ້ໃນກົດລະບຽບ ວ່າດ້ວຍການແຕ່ງດອງ